Լանա Խաչատրյանը պատրաստվում է իր հարսանիքին :)

Լանայի հետ զրուցեցինք հարսանիքի նախապատրաստական ընթացքի և ապրումների մասին :)
<<Ժամանակին, երբ հարսանեկան ամսագրում էի աշխատում և  ամուսնացող զույգերին օգնում էի պատրաստության հարցերում, յուրաքանչյուրի հետ այնպես էի հուզվում, որ մտածում էի` իմ հարսանիքին կրկնակի կամ եռակի եմ հուզվելու, սակայն այդպես չէ:Հիմա շատ հանգիստ եմ, քանի որ ինձ համար այլ արժեքներ են առավել կարևոր:Իհարկե, հաճելի հոգսերով եմ ծանրաբեռնված, սակայն ես միշտ երկրորդական եմ համարել դրանք:Այն կարևոր բանը, որը միշտ ցանկացել եմ, փառք Աստծո, ունեմ:>>,-esyes.am-ին ասաց Լանան:

Լանան նշեց, որ չեն պատրաստվում արտասովոր արարողություն կազմակերպել:<<Արտառոց ոչ մի բան չի լինելու:Պարզ հարսանիք ենք անելու, քանի որ ամուսնության համար ամենկարևորը փոխադարձ վստահությունն ու սերն է,-ասաց երգչուհին և հավելեց, որ մեծ կարևորություն է տալիս պսակադրությանը: -Ինձ համար հարսանիքը սահմանափակվում է պսակի խորհրդով:Ես իսկապես կարող էի անգամ խնջույք էլ չանել>>:

Ըստ Լանայի` ճոխ և մանրակրկիտ նախապատրաստությունը երկրորդական հարց է: Հարսանեկան զգեստի ընտրության հարցում էլ Լանան բծախնդիր չի եղել.<<Ես շատ հեշտ եմ ընտրել հարսանեկան զգեստ:Ընտրել եմ փորձածս երկրորդ զգեստը:Հայտնի ոճաբաների հետ էլ չեմ համագործակցել>>:

Լանան պատմեց, որ ամենինչն է հեշտությամբ ընտրել:

                                                                          Աղբյուրը`http://www.esyes.am/news/article/view/5/7574/