«Իմ գեղեցկության պատճառով բոլորը կարծում են, որ ես հիմար եմ: Դա կարծես դիմակ լինի, որը պետք է պատռել՝ ցույց տալու համար, որ դրա ներքո ևս ինչ-որ բան կա:
Ես ոչ մի գեղեցկության գաղտնիք չունեմ, ամեն ինչ պետք է ներքինից բխի: Իսկ մարզասրահներ հաճախելու փոխարեն ես կրում են սև զգեստներ. դա շատ ավելի պրակտիկ և հաճելի է:
Ես չէի ցանկանա այժմ կրկին 20 տարեկան լինել: Ես հիմա շատ ավելի երջանիկ եմ, քան այն ժամանակ: Չէ՞ որ այդ տարիքում մենք նոր միայն սկսում ենք ճանաչել ինքներս մեզ:
Մենք բոլորս վախենում ենք ծերանալ և կորցնել գեղեցկությունը: Ես դրանից չեմ վախենում, այլ՝ մահվանից, քանի որ 2 երեխա ունեմ:
Չգիտեմ՝ ինչպես սկսվեցին իմ և Վենսան Կասելի հարաբերությունները: Երբ առաջին անգամ հանդիպեցինք, երկուսս էլ զգացինք, որ ձգում ենք միմյանց: Ես շատ երջանիկ կլինեի, եթե իմ ամբողջ կյանքը նրա կողքին անցկացնեի, սակայն երբեք չգիտես՝ ինչպես կդասավորվի կյանքդ:
Կարծում եմ՝ ռոմանտիկ է, անդադար միասին չլինելը: Հակառակ դեպքում դու շատ ես ընտելանում մարդուն և հարաբերություններն ընդունում ես որպես պարտականություն: Յուրաքանչյուր ամուսնության մեջ գալիս է մի պահ, երբ ինչ-որ բան այնպես չի ստացվում: Միայն որոշ մարդիկ են կարողանում փրկել հարաբերությունները:
Սեքսից հետո տղամարդը քնում է, իսկ կինը՝ մտորում: Ես չեմ ամաչում մերկանալ տեսախցիկի առջև, քանի որ իմ կարծիքով՝ աշխարհում չկա ավելի գեղեցիկ բան, քան մարդու մարմինը:
Ես միշտ էլ ցանկացել եմ ուշ երեխաներ ունենալ: Առաջին դուստրս լույս աշխարհ է եկել, երբ 39 տարեկան էի, երկրորդս՝ 45: Մինչ այդ ես ուղղակի պատրաստ չէի մայր դառնալ:
Ես կհիասթափվեի կյանքից, եթե մայր չդառնայի: Երեխաներս ինձ օգնել են մեծանալ և փախչել սեփական մանկությունից: Բանն այն է, որ ես միակ երեխան էի ընտանիքում, ինչի պատճառով ինձ միայնակ էի զգում:
Ինչ վերաբերում է ֆիլմերին, ես կինոաստղ չեմ, ես դերասանուհի եմ: Մեզ բոլորիս անհրաժեշտ են պատրանքներ, ահա, թե ինչու ենք մենք սիրում կինոն»,- դերասանուհու խոսքերը մեջբերում է Spletnik.ru կայքը:
Комментариев нет:
Отправить комментарий