Մինչ Ռիհաննան համաշխարհային շրջագայությունների մեջ էր, Կալիֆոռնիայում գտնվող նրա առանձնատունը փորձել են թալանել: Գողերին առայժմ չի հաջողվել բռնել:
Երկու գողեր փորձել են ներթափանցել աստղի տունը, սակայն ազդանշանը միացել է, ինչն էլ վախեցրել է ավազակներին:
Տղամարդկանց դեմքերը նկարահանվել են Ռիհաննայի տանը տեղադրված տեսախցիկներով: Սակայն տաք հետքերով նրանց բռնել առայժմ չի հաջողվել:
Ընդ որում, Ռիհաննան հանցագործների մոտ հատուկ պահանջարկ ունի. այս տարի սա արդեն նրա տները թալանելու երրորդ փորձն է:
Իրինա Շեյքը պատմել է իր մանկության մասին: 27-ամյա մոդելի խոսքերով` դպրոցից հետո ինքը ստիպված է եղել աշխատել այգում` լոլիկ, վարունգ և կարտոֆիլ ցանել, հաղորդում է spletnik.ru-ն:
Նա նշել է, որ իրեն զգում է գյուղի աղջիկ և երբեմն կարոտում է այդ կյանքը: Նա նույնիսկ չի էլ երազել, որ երբևէ կապրի Նյու Յորքում:
14 տարեկանում Իրինան երեք շաբաթ ներկել է հիվանդանոցի պատերը` 25 դոլար աշխատելու համար, որով նա կոշիկ է գնել: Հասակակիցները ծաղրել են նրան, քանի որ Իրինան չափազանց նիհար է եղել:
Ամեն ինչ փոխվեց 20 տարեկանում, երբ նա Շահիսլամովա ազգանունը կրճատեց` դարձնելով Շեյք, և հայտնվեց Փարիզում, որտեղից էլ սկսվեց նրա կարիերան:
Օրեր առաջ երգչուհի Ջուսը MediaMall.am-ին տված հարցազրույցում սկանդալային հայտարարություն էր արել: «Անկեղծ ասած' ես մտածել եմ այդ մասին: Այո, կմերկանամ, եթե ինձ տան մեծ գումար: Ջուսը կմերկանա տաս հազար դոլարով: Դա կլինի նոր սկանդալ հայկական շոուբիզնեսում, նկարները կտարածվեն բոլոր կայքերում, ֆոտոշարքը կլինի ամենաքննարկվողը: Սակայն մինչև վերջ չեմ մերկանա, քանի որ դա ինձ համար անհետաքրքիր կլինի»,- ասել էր երգչուհին: Այսօր մեր թղթակիցը փորձել էրպարզել, թե մի շարք հայտնի մարդիկ ինչպես են վերաբերվում Ջուսի հայտարարությանը: Նյութի հրապարակվելուց հետո ստացանք Ջուսի նամակը, որտեղ նա անդրադարձել է իր մասին հնչած գնահատականներից երկուսին: Նամակը հրապարակում ենք ամբողջությամբ:
«Ես զարմանում եմ, մարդիկ ինչքան կարող են ստոր լինել: Խոսքս ուղղում եմ Սոնա Սիլվերին՝ դու ինչպե՞ս կարող ես նման կերպ «բլթացնել» իմ անձի շուրջ, թող Սոնա Սիլվերը դառնա Ջուս, հասնի այն աստիճանին, ինչին ես եմ հասել, ու նոր իրավունք կունենա իր կարծիքը արտահայտել: Ես սեքսով չեմ զբաղվում գումարի դիմաց, ինչպես անում են շատերը, ավելին, ես շատ երկար ժամանակ սեռական հարաբերություններ չեմ ունեցել, որովհետև չեմ գտնում իմ երկրորդ կեսին, ավելին ասեմ, ինձանից նրան խորհուրդ, որ գնա և ամսագրերից մեկի համար կիսամերկ ֆոտոշարք պատրաստի, որ գոնե սկսեն իր մասին խոսել: Սոնա Սիլվերը մեկն է, որ հավաքույթների ժամանակ գալիս և ժպտադեմ ողջունում է ինձ, իսկ հետո նման կերպ արտահայտվում, էլ ի՞նչ կարելի է սպասել նման կերպարից: Եվ մի բան էլ ավելացնեմ՝ չի կարելի գործընկերների մասին բարձրաձայն խոսել ու քննադատել, պետք է ունենալ ներքին կուլտուրա և հասկանալ, որ դա անտակտ է:
Իսկ պարոն Քոչարյանին ուզում եմ տեղեկացնել, որ ես այն միակներից էի, որ Ղարաբաղում պատերազմի ժամանակ Նադեժդա Սարգսյանի «Հայեր» խմբով երգում էի տանկերի վրա՝ արկերի տակ կանգնած՝ հայ զինվորներին ոգեշնչելու համար, երգում էի հայկական ժողովրդական երգեր, ես այն միակներից եմ եղել, որ Սպիտակի երկրաշարժի ժամանակ 9 տարեկան հասակում Արմեն Դիվանյանի «Առվակ» խմբով երկրաշարժի գոտում երգում էի՝ մարդկանց կյանք վերադարձնելու համար: Պարո՛ն Քոչարյան, ես այն եզակիներից եմ, որ մասնակցել է «Royal festival hall» համերգին՝ Լոնդոնում, որից հետո լոնդոնյան «Gardian» թերթը տպագրեց նյութ իմ ելույթի մասին, որին հետևեց այն, որ իմ երգը դարձավ հիթ BBC ռադիոկայանում, ինչպես նաև այն երգչուհիներից եմ, որ ստացել եմ պատվոգիր ՌԴ նախագահ Վլադիմիր Պուտինի կողմից՝ հիանալի ելույթի համար: Իսկ այն անձանց, որոնց մասին Դուք նշել էիք հոդվածում, ես հարգում և սիրում եմ և նաև հավելեմ, որ երբ ես էլ հասնեմ այդ տարիքին՝ իրավունք կունենամ դասվել նրանց շարքերում:
Հարգանքներով' Ջուս»
